Якшанба кунги Мадрид дербиси ҳакамлик можаросисиз ўтмади. Энг қизғин баҳсларга «Реал» ярим ҳимоячиси Федерико Вальверденинг оёғига бутсасининг шиплари билан қаттиқ босган «Атлетико» ҳужумчиси Ли Кан Иннинг майдондан четлатилмагани сабаб бўлди. Diario AS нашрининг хабар беришича, Испания Ҳакамлар техник қўмитаси арбитр Мигель Анхель Ортис Ариас ушбу вазиятда «матрасчилар» ўйинчисини майдондан четлатиши керак бўлганини расман тан олди. Жанубий кореялик футболчи ҳатто огоҳлантириш ҳам олмаган эди.
Реферининг бошқа асосий қарорлари – шу жумладан 50-дақиқада меҳмонлар ҳимоячиси Дин Хёйсеннинг майдондан четлатилиши – CTA вакиллари томонидан тўғри деб топилди.
«Атлетико» кўпчиликда иккита гол уриб, дербида ғалаба қозонди (2:1).
