“Barselona” klubining polshalik hujumchisi Robert Levandovski jamoada uni qanday qo‘llab-quvvatlashi haqida gapirdi.
“Biz keyingi o‘yinni, navbatdagi mashg‘ulotni intiqlik bilan kutmoqdamiz, chunki oldinda yaxshi narsa borligini his qilyapmiz. Men bu yerda ekanligimdan va bu jamoaning bir qismi bo‘lganimdan juda xursandman. Men jamoani bir necha oydan beri tanigandek his qilyapman. Meni hamkasblarim ham, xodimlarim ham qo‘llab-quvvatlamoqda”, — deya Levandovskining so‘zlarini keltiradi Sport.es.
19 iyul kuni "Barselona" Levandovski transferini e’lon qildi. Polshalik hujumchi uchun "Barselona" "Bavariya"ga 45 million yevro to‘lagan, yana 5 million yevro turli bonuslar ko‘rinishida taqdim etilgan.
