“Барселона” клубининг польшалик ҳужумчиси Роберт Левандовски жамоада уни қандай қўллаб-қувватлаши ҳақида гапирди.

“Биз кейинги ўйинни, навбатдаги машғулотни интиқлик билан кутмоқдамиз, чунки олдинда яхши нарса борлигини ҳис қиляпмиз. Мен бу ерда эканлигимдан ва бу жамоанинг бир қисми бўлганимдан жуда хурсандман. Мен жамоани бир неча ойдан бери танигандек ҳис қиляпман. Мени ҳамкасбларим ҳам, ходимларим ҳам қўллаб-қувватламоқда”, — дея Левандовскининг сўзларини келтиради Sport.es.

19 июль куни "Барселона" Левандовски трансферини эълон қилди. Польшалик ҳужумчи учун "Барселона" "Бавария"га 45 миллион евро тўлаган, яна 5 миллион евро турли бонуслар кўринишида тақдим этилган.