Бельгия футбол ассоциацияси, агар АҚШ терма жамоаси ҳужумчиси Фоларин Балогун бўлажак учрашувда майдонга тушса, Спорт арбитраж судига (CAS) мурожаат қилиш ниятида. ЖЧ 1/8 финалидан ўрин олган АҚШ ва Бельгия ўртасидаги баҳс 7 июль куни бўлиб ўтади ва Тошкент вақти билан соат 05:00 да старт олади.
HLN нашрининг хабар беришича, белгияликлар ФИФАнинг апелляция кўриб чиқилгунга қадар футболчининг дисквалификациясини вақтинча тўхтатиб туриш ҳақидаги қарорини ноқонуний деб ҳисобламоқда.
Агар Балогун ўйинда иштирок этса, Бельгия томони расмий шикоят киритади ва қуйидагиларни талаб қилади: а) футболчининг ўйиндаги иштирокини ноқонуний деб тан олиш, б) АҚШ терма жамоасига техник мағлубият ёзиш, в) регламент бузилгани тасдиқланган тақдирда АҚШ жамоасини турнирдан четлатиш.
