Бразилия терма жамоасининг юлдуз ҳужумчиси Винисиус Жуниор миллий жамоадаги шериги – 34 ёшли форвард Неймар ҳақида фикр билдирди.

«Неймар — менинг кумирим. Мен доим у билан бир жамоада ўйнашни хоҳлардим. Бу унутилмас лаҳза бўлди. Унга келгуси фаолиятида муваффақиятлар тилайман», — дея футболчининг сўзларини келтиради Globo.

Бразилия терма жамоаси Жаҳон чемпионати — 2026 нинг 1/8 финалида Норвегияга 1:2 ҳисобида имкониятни бой бериб, мусобақани тарк этди. Ушбу муваффақиятсизликдан сўнг Неймар миллий жамоадаги фаолиятини якунлаганини эълон қилди.

Тажрибали ҳужумчи клуб даражасида «Сантос» шарафини ҳимоя қилмоқда. Томонлар ўртасидаги шартнома жорий йилнинг декабрь ойи охирида якунига етади.