Braziliya terma jamoasining yulduz hujumchisi Vinisius Junior milliy jamoadagi sherigi – 34 yoshli forvard Neymar haqida fikr bildirdi.
«Neymar — mening kumirim. Men doim u bilan bir jamoada o‘ynashni xohlardim. Bu unutilmas lahza bo‘ldi. Unga kelgusi faoliyatida muvaffaqiyatlar tilayman», — deya futbolchining so‘zlarini keltiradi Globo.
Braziliya terma jamoasi Jahon chempionati — 2026 ning 1/8 finalida Norvegiyaga 1:2 hisobida imkoniyatni boy berib, musobaqani tark etdi. Ushbu muvaffaqiyatsizlikdan so‘ng Neymar milliy jamoadagi faoliyatini yakunlaganini e’lon qildi.
Tajribali hujumchi klub darajasida «Santos» sharafini himoya qilmoqda. Tomonlar o‘rtasidagi shartnoma joriy yilning dekabr oyi oxirida yakuniga yetadi.
