“Palmeyras”ning braziliyalik himoyachisi Renan juda ham yoqimsiz voqeaga duch keldi. 20 yoshli yigit bilan o‘tgan hafta oxirida, 22 iyul juma kuni - San-Pauludan 50 kilometr shimolda sodir bo‘ldi. Erta tongda Renan motosiklchi bilan to‘qnashib ketdi, natijada 38 yoshli Elizer Pena xotini va ikki farzandini qoldirib, halok bo‘ldi.
Globo telekanali ma’lumotlariga ko‘ra, Renan avtohalokatga aybdor bo‘lib, u o‘zining Honda Civic rusumli avtomashinasini haydab ketayotib, chorrahalardan birida xatoga yo‘l qo‘yib, motosikli bilan to‘qnashib ketgan.
Eng katta muammo shundaki, Renan mast bo‘lib ko‘rindi, u spirtli ichimliklarni tekshirishdan bosh tortdi. Uning haydovchilik guvohnomasining yo‘qligi sababli, uni qamoq jazosi kutmoqda.
