"Kyoln" hujumchisi Antoni Modest faoliyatini Dortmundning "Borussiya" jamoasida davom ettirishi mumkin, deb xabar beradi Bild.
Manba bergan xabarga ko‘ra, 34 yoshli fransiyalik futbolchi nemis klubiga avvalroq o‘simta tashxisi qo‘yilgan Sebastyan Allening o‘rniga qisqa muddatga o‘rinbosar sifatida taklif qilingan.
Transfermarkt portali Modestni 3 million yevroga baholamoqda.
O‘tgan mavsumda tajribali hujumchi "Kyoln" tarkibida 35 o‘yin o‘tkazib, 23 gol urdi va 4 golga assistentlik qildi. Avvallari Modest Fransiya, Angliya va Xitoy chempionatlarida ham to‘p surgan.
