Niderlandiyalik yarim himoyachi Frenki de Yong va "Barselona" ishtirokidagi transfer "dostoni" davom etmoqda.
"Manchester Yunayted"dan foydali taklif bo‘lishiga qaramay, de Yong ingliz klubiga o‘tishni qat’iyan rad etdi va shu tariqa kataloniyaliklarning maoshlarni kamaytirish bo‘yicha rejalarini buzdi.
De Yongga "Barselona" rahbariyati, agar u klubda qolish niyatida bo‘lsa, maoshini kamaytirishi kerakligini aytgan. Oxirgi sinov uchrashuvida niderlandiyalik markaziy himoyachi sifatida noodatiy pozisiyaga o‘tdi.
Endi "Barselona" bosh murabbiyi Xavi de Yongga yangi mavsumda o‘yin amaliyotining jiddiy qisqarishiga chidashi kerakligini aytdi, deb xabar beradi Mundo Deportivo. Nashrning yozishicha, bunday taktika de Yongni Qatarda bo‘lib o‘tadigan Jahon chempionati arafasida jamoadan ketish haqida jiddiy o‘ylab ko‘rishiga Xavining ishonchi komil.
Futbolchi o‘tgan mavsumda La Ligada 32 ta o‘yinda maydonga tushib, 3 ta gol urdi va 3 ta golga assistentlik qildi.
