Нидерландиялик ярим ҳимоячи Френки де Йонг ва "Барселона" иштирокидаги трансфер "достони" давом этмоқда.
"Манчестер Юнайтед"дан фойдали таклиф бўлишига қарамай, де Йонг инглиз клубига ўтишни қатъиян рад этди ва шу тариқа каталонияликларнинг маошларни камайтириш бўйича режаларини бузди.
Де Йонгга "Барселона" раҳбарияти, агар у клубда қолиш ниятида бўлса, маошини камайтириши кераклигини айтган. Охирги синов учрашувида нидерландиялик марказий ҳимоячи сифатида ноодатий позицияга ўтди.
Энди "Барселона" бош мураббийи Хави де Йонгга янги мавсумда ўйин амалиётининг жиддий қисқаришига чидаши кераклигини айтди, деб хабар беради Mundo Deportivo. Нашрнинг ёзишича, бундай тактика де Йонгни Қатарда бўлиб ўтадиган Жаҳон чемпионати арафасида жамоадан кетиш ҳақида жиддий ўйлаб кўришига Хавининг ишончи комил.
Футболчи ўтган мавсумда Ла Лигада 32 та ўйинда майдонга тушиб, 3 та гол урди ва 3 та голга ассистентлик қилди.
