"Barselona" himoyachi Oskar Mingesaning "Selta"ga transferi shartlarini kelishib oldi, deb xabar beradi Sport.es.
Shartnomada "Barselona"ga 23 yoshli futbolchini qaytarib sotib olish ustuvorligi haqida band bo‘ladi. Ispaniyalik futbolchi "Selta" bilan 2026 yilning yoziga qadar shartnoma imzolaydi.
2021/22 yilgi mavsumda Mingesa “Barselona” safida 27 ta o‘yinda maydonga tushib, 2 ta golli uzatmani amalga oshirgan. Transfermarkt.com portali futbolchining narxini 6 million yevroga baholamoqda.
E’tibor bering, Oskar Mingesa butun faoliyati davomida "Barselona" tizimida bo‘lgan.
