MLS matbuot xizmati ijtimoiy tarmoqlarda Jeyson De Tulio vafot etgani haqida xabar berdi. Kanadalik sobiq futbolchi va murabbiy shu hafta 38 yoshga to‘lgandi.
Umrining so‘nggi yillarida Di Tulio saraton kasalligiga qarshi kurashdi. Uning so‘nggi istagiga ko‘ra, marhum bilan vidolashuv marosimi yopiq tarzda o‘tkaziladi.
"Bizni juda tez tark etgan hamkasbimiz, jamoadoshimiz va do‘stimiz vafot etganidan juda qayg‘udamiz. Bizning fikrlarimiz uning oilasi va yaqinlari bilan. Jeyson ajoyib o‘yinchi va zo‘r inson edi”, - dedi "Monreal" klubi prezidenti va bosh direktori Gabriel Jerve.
Di Tulio futbolchilik yillarida "Monreal" jamoasida himoyachi sifatida o‘ynagan, shuningdek, Kanada yoshlar terma jamoasida ham o‘ynagan. Faoliyatini yakunlagach, murabbiy bo‘lib ishladi.
