"Barselona" darvozaboni Mark-Andre ter Shtegen yarim himoyachi Frenki de Yong bilan bog‘liq vaziyat haqida gapirdi.

"Siz qanday javobni xohlaysiz? Bu klub va futbolchining o‘ziga bog‘liq. Ochig‘i, biz har doim jamoada eng yaxshi futbolchilarni ko‘rishni xohlaymiz. Va u yuqori saviyali futbolchi. Biz esa uning qolishini istaymiz, lekin men bunga aralashmayman, bu klubning ishi", - deya Ter Shtegenning so‘zlarini keltiradi Marca.

Avvalroq Kataloniya klubi yozda de Yongni boshqa jamoaga sotish niyatida ekani ma’lum bo‘lgandi.

25 yoshli niderlandiyalik futbolchi o‘tgan mavsumda kataloniyaliklar safida 46 ta o‘yinda maydonga tushib, 4 ta gol urdi va 5 ta golli uzatmani amalga oshirdi. Uning klub bilan shartnomasi 2026 yilning 30 iyuniga qadar mo‘ljallangan.