"Барселона" дарвозабони Марк-Андре тер Штеген ярим ҳимоячи Френки де Йонг билан боғлиқ вазият ҳақида гапирди.
"Сиз қандай жавобни хоҳлайсиз? Бу клуб ва футболчининг ўзига боғлиқ. Очиғи, биз ҳар доим жамоада энг яхши футболчиларни кўришни хоҳлаймиз. Ва у юқори савияли футболчи. Биз эса унинг қолишини истаймиз, лекин мен бунга аралашмайман, бу клубнинг иши", - дея Тер Штегеннинг сўзларини келтиради Marca.
Аввалроқ Каталония клуби ёзда де Йонгни бошқа жамоага сотиш ниятида экани маълум бўлганди.
25 ёшли нидерландиялик футболчи ўтган мавсумда каталонияликлар сафида 46 та ўйинда майдонга тушиб, 4 та гол урди ва 5 та голли узатмани амалга оширди. Унинг клуб билан шартномаси 2026 йилнинг 30 июнига қадар мўлжалланган.
