"Barselona" prezidenti Joan Laporta himoyachi Jyul Kundening taqdimot marosimida Messi haqida berilgan savolga javob qaytardi.
“Messi bilan bog‘liq vaziyatni izohlamayman, chunki u “PSJ” futbolchisi. Bizda "Barsa" futbolchisi sifatida u haqida ajoyib xotiralar bor va biz unga ma’naviy qarzdormiz, lekin ko‘ramiz", - dedi Laporta.
Eslatib o‘tamiz, o‘tgan yozda 33 yoshli argentinalik "Barsa"ni erkin agent maqomida tark etib, "PSJ" bilan shartnoma imzolagan edi.