Himoyachi Ektor Belyerinning vakillari "Arsenal" bilan shartnomani bekor qilish bo‘yicha muzokaralar olib bormoqda, deb xabar beradi ABC de Sevilla.

Ispaniyalik futbolchi shartnoma bo‘yicha qolgan yil uchun to‘liq maoshidan voz kechishga tayyorligini bildirdi va buning evaziga "Arsenal" uni erkin agent sifatida qo‘yib yuborishi kerak.

Belyerin o‘tgan mavsumni “Betis”da ijara asosida o‘tkazgan edi. Biroq ispan klubi Ektorni sotib olishga qurbi yetmadi, natijada u Londonga qaytdi va Mikel Arteta jamoasi bilan yangi mavsumga tayyorgarlik ko‘rishga majbur bo‘ldi.

"Betis"dan tashqari, 27 yoshli Belyerin o‘z faoliyatini davom ettirish uchun boshqa variantlarni, jumladan "Atletiko Madrid"ni ham ko‘rib chiqmoqda.

2021/22 yilgi mavsumda futbolchi ispan klubi safida 31 ta o‘yinda maydonga tushib, 5 ta golli uzatmani amalga oshirgan.