Ҳимоячи Эктор Бельериннинг вакиллари "Арсенал" билан шартномани бекор қилиш бўйича музокаралар олиб бормоқда, деб хабар беради ABC de Sevilla.
Испаниялик футболчи шартнома бўйича қолган йил учун тўлиқ маошидан воз кечишга тайёрлигини билдирди ва бунинг эвазига "Арсенал" уни эркин агент сифатида қўйиб юбориши керак.
Бельерин ўтган мавсумни “Бетис”да ижара асосида ўтказган эди. Бироқ испан клуби Экторни сотиб олишга қурби етмади, натижада у Лондонга қайтди ва Микель Артета жамоаси билан янги мавсумга тайёргарлик кўришга мажбур бўлди.
"Бетис"дан ташқари, 27 ёшли Бельерин ўз фаолиятини давом эттириш учун бошқа вариантларни, жумладан "Атлетико Мадрид"ни ҳам кўриб чиқмоқда.
2021/22 йилги мавсумда футболчи испан клуби сафида 31 та ўйинда майдонга тушиб, 5 та голли узатмани амалга оширган.
