Robert Levandovski Myunxenga "Bavariya" bilan xayrlashish uchun keldi.
Jurnalist Filipp Kesslerning yozishicha, bugun ertalab “Barselona”ga o‘tgan polshalik hujumchi Myunxen klubi bazasiga tashrif buyurdi. Avvaliga u “Bavariya”ning kiyinish xonasiga tashrif buyurdi va sobiq jamoadoshlari bilan xayrlashdi, keyin klub murabbiylari va fizioterapevtlari bilan suhbatlashdi.
Shundan so‘ng Levandovski “Bavariya” sport direktori Xasan Salihamidjich bilan yakkama-yakka suhbatlashdi, so‘ng klub bosh direktori Oliver Kan bilan uchrashdi. Robert "Bavariya" muzeyiga ham tashrif buyurdi.
Jurnalist Kerri Xouning qo‘shimcha qilishicha, Levandovski “Bavariya” bazasini tark etar ekan, kiraverishda turgan bir qancha muxlislar “Hala Madrid” deb baqirgan. Bunga javoban hujumchi qo‘lini mashina oynasidan tashqariga chiqarib, bosh barmog‘ini ko‘rsatgan.
