"Napoli" yarim himoyachisi Piotr Zelinski yozda jamoani tark etishni istamayapti, deya xabar beradi Calciomercato.
Manbaga ko‘ra, "Vest Xem" polshalik futbolchini sotib olmoqchi bo‘lgan, ammo kelishuv amalga oshmagan. Shuningdek, "Lasio" 28 yoshli futbolchiga da’vogarlik qilmoqda. Biroq, agar unga sezilarli darajada yuqori maosh taklif qilinmasa, u "Napoli"da qolishni afzal ko‘radi.
Oldinroq Zelinski APL turnir jadvalining o‘rtasida joylashgan klubda o‘ynashni istamagani uchun "Vest Xem"ga o‘tishdan bosh tortgani haqida xabar berilgandi.
Piotr "Napoli"da 2016 yilning avgustidan beri to‘p tepadi. Futbolchi o‘tgan mavsumda jamoasi safida 42 ta o‘yinda maydonga tushib, 8 ta gol urdi va 5 ta golli uzatmani amalga oshirdi.
Polyakning italyan klubi bilan shartnomasi 2024 yilning iyun oyi oxirigacha amal qiladi.
