"Наполи" ярим ҳимоячиси Пиотр Зелиньски ёзда жамоани тарк этишни истамаяпти, дея хабар беради Calciomercato.
Манбага кўра, "Вест Хэм" польшалик футболчини сотиб олмоқчи бўлган, аммо келишув амалга ошмаган. Шунингдек, "Лацио" 28 ёшли футболчига даъвогарлик қилмоқда. Бироқ, агар унга сезиларли даражада юқори маош таклиф қилинмаса, у "Наполи"да қолишни афзал кўради.
Олдинроқ Зелиньски АПЛ турнир жадвалининг ўртасида жойлашган клубда ўйнашни истамагани учун "Вест Хэм"га ўтишдан бош тортгани ҳақида хабар берилганди.
Пиотр "Наполи"да 2016 йилнинг августидан бери тўп тепади. Футболчи ўтган мавсумда жамоаси сафида 42 та ўйинда майдонга тушиб, 8 та гол урди ва 5 та голли узатмани амалга оширди.
Польякнинг итальян клуби билан шартномаси 2024 йилнинг июнь ойи охиригача амал қилади.
