“Barselona” hujumchisi Memfis Depay yozda “Yuventus”ga o‘tishga tayyor, deb xabar beradi Sport.es.

Manbaga ko‘ra, A Seriya jamoasi 28 yoshli futbolchini sotib olish bo‘yicha taklif bilan chiqqan. "Barsa" hujumchini sotmoqchi, ammo uni sotish yoki ijaraga berishdan oldin forvard bilan yangi shartnoma imzolashi kerak.

Oldinroq Depay "Barselona" bilan shartnomani bekor qilmoqchi ekani xabar qilingandi.

O‘tgan mavsumda futbolchi ispan klubi safida barcha turnirlar doirasida 37 ta o‘yinda maydonga tushib, 13 ta gol urgan va 2 ta golga assistentlik qilgan.

Depayning kataloniyaliklar bilan amaldagi shartnomasi 2023 yilning 30 iyuniga qadar amal qiladi.