“Барселона” ҳужумчиси Мемфис Депай ёзда “Ювентус”га ўтишга тайёр, деб хабар беради Sport.es.

Манбага кўра, А Серия жамоаси 28 ёшли футболчини сотиб олиш бўйича таклиф билан чиққан. "Барса" ҳужумчини сотмоқчи, аммо уни сотиш ёки ижарага беришдан олдин форвард билан янги шартнома имзолаши керак.

Олдинроқ Депай "Барселона" билан шартномани бекор қилмоқчи экани хабар қилинганди.

Ўтган мавсумда футболчи испан клуби сафида барча турнирлар доирасида 37 та ўйинда майдонга тушиб, 13 та гол урган ва 2 та голга ассистентлик қилган.

Депайнинг каталонияликлар билан амалдаги шартномаси 2023 йилнинг 30 июнига қадар амал қилади.