"Betis" himoyachisi Mark Bartra faoliyatini "Trabzonspor"da davom ettiradi, deya xabar beradi jurnalist Fabrisio Romano.
Turk klubi allaqachon barcha hujjatlarni tayyorlab bo‘lgan, 31 yoshli ispaniyalik faqat shartnoma imzolashi kerak. “Betis” bosh murabbiyi Manuel Pellegrini futbolchining jamoani tark etishini tasdiqladi.
"Biz suhbatlashdik, Mark klubni tark etishga qaror qildi", - dedi Pellegrini.
Bartra "Barselona" tarbiyalanuvchisi sanaladi. U 2018 yilning yanvarida "Betis"ga o‘tgan edi. O‘tgan mavsumda u jamoa safida 32 ta o‘yinda maydonga tushib, 2 ta gol urishga muvaffaq bo‘ldi.
Transfermarkt.com portali himoyachining narxini 6 million yevroga baholamoqda.