"Бетис" ҳимоячиси Марк Бартра фаолиятини "Трабзонспор"да давом эттиради, дея хабар беради журналист Фабрицио Романо.
Турк клуби аллақачон барча ҳужжатларни тайёрлаб бўлган, 31 ёшли испаниялик фақат шартнома имзолаши керак. “Бетис” бош мураббийи Мануэль Пеллегрини футболчининг жамоани тарк этишини тасдиқлади.
"Биз суҳбатлашдик, Марк клубни тарк этишга қарор қилди", - деди Пеллегрини.
Бартра "Барселона" тарбияланувчиси саналади. У 2018 йилнинг январида "Бетис"га ўтган эди. Ўтган мавсумда у жамоа сафида 32 та ўйинда майдонга тушиб, 2 та гол уришга муваффақ бўлди.
Transfermarkt.com портали ҳимоячининг нархини 6 миллион еврога баҳоламоқда.
