ФИФА Тартиб-интизом қўмитаси АҚШ терма жамоаси ҳужумчиси Фоларин Балогуннинг ЖЧ-2026 1/16 финалидан ўрин олган Босния ва Герцеговинага (2:0) қарши баҳсдаги қизил карточкаси учун берилган бир ўйинлик дисквалификациясини вақтинча тўхтатди. Шу тариқа, у ЖЧ-2026 1/8 финали доирасида Бельгия миллий жамоасига қарши кечадиган учрашувда иштирок эта оладиган бўлди.
«Интизом кодексининг 27-моддасига мувофиқ, АҚШ терма жамоаси футболчиси Фоларин Балогуннинг автоматик дисквалификациясини ижро этиш бир йиллик синов муддатига тўхтатилди», — дейилади ФИФА расмий сайтида берилган хабарда.
Аввалроқ матбуотда америкалик ҳужумчи босниялик Тарик Мухаремовичнинг тўпиғини босиб олгани учун бир нечта ўйинга дисквалификация қилиниши мумкинлиги ҳақида хабарлар тарқалган эди.
