Бразилия терма жамоаси бош мураббийи Карло Анчелотти ЖЧ-2026 1/8 финалида Норвегияга 1:2 ҳисобида мағлуб бўлган ўйиндан кейин ўз фикрлари билан ўртоқлашди.
«Учрашув бошида ўйинни назорат қилаётгандек туюлди, биз имкониятлар ҳам яратдик. Жуда кучли босим ўтказиш қийин эди, чунки Норвегия бутун жамоа бўлиб ҳимояланди. Ортиқча таваккал қилиш эса хавфли бўларди.
Бизга янги иқтидорлар, Бразилия футболига келиб қўшиладиган юқори савияли футболчилар керак. Менимча, биз ёмон ўйин кўрсатмадик, аммо бу футбол, бу спорт. Баъзан мағлубиятни ҳам қабул қилишга тўғри келади», — деди Анчелотти CNA нашрига.
Ушбу натижадан кейин Бразилия терма жамоаси жаҳон чемпионати билан хайрлашди.
Норвегия эса чорак финалда Мексика — Англия жуфтлиги ғолибига қарши майдонга тушади.
