Xabaringiz bor, ertaga OFK kubogi Markaziy Osiyo mintaqaviy final uchrashuvi bo‘lib o‘tadi. Tojikistonning "Xo‘jand" klubi bosh murabbiyi Rustam Xo‘jayev "So‘g‘diyona"ga qarshi o‘yin oldidan matbuot anjumanida ishtirok etib, o‘z fikrlari bilan o‘rtoqlashdi.
"Ertangi o‘yin haqida nimalar deyish mumkin? Raqib haqida yetarli ma’lumotga egamiz. "So‘g‘diyona"ning o‘yinlarini tomosha qildik. Ammo biz e’tiborni ko‘proq o‘z o‘yinimizga qaratamiz. Ertangi bahsda o‘zimiz istagan o‘yinni namoyish etishga tayyormiz. Muxlislarimizni xursand etamiz, deb o‘ylayman", — dedi Xo‘jayev.