"Udineze" himoyachisi Brandon Soppi "Atalanta"ga o‘tishga yaqin turibdi, deya xabar bermoqda jurnalist Fabrisio Romano.

Manbaga ko‘ra, Bergamoliklar allaqachon kelishuvning barcha shartlari bo‘yicha kelishib olgan. "Atalanta" 20 yoshli fransiyalik futbolchi uchun 9 million yevro to‘lashi kutilmoqda, bu uning bozor qiymatidan to‘rt millionga ko‘p. Yaqin orada himoyachi transferini yakunlash uchun tibbiy ko‘rikdan o‘tadi.

Soppi o‘tgan mavsumda "Udineze" safida 30 ta o‘yin o‘tkazdi. Avvalroq futbolchi Fransiyaning “Renn” klubi sharafini himoya qilgan.