Karlo Anchelotti "Selta" ustidan qozonilgan g‘alaba (4:1) haqida fikr bildirdi.
“Luka Modrich biz uchun fantastik yetakchi. U o‘yindagi eng muhim golni urdi, chunki o‘sha to‘p bizga ustunlik berdi. Shundan keyin biroz osonroq bo‘ldi. "Selta" birinchi bo‘limda katta kuch sarfladi, ikkinchisida esa bizning o‘zgarishlarimizdan ko‘proq zarar ko‘rdi.
Biz 4-3-3 sxemasiga rioya qilishga harakat qilamiz, lekin Valverde qanot hujumchisi emas. Rodrigo o‘ynasa, 4-3-3ni aniqroq ko‘rish mumkin”, - dedi “Real” bosh murabbiyi.
