“Manchester Yunayted” hujumchisi Krishtianu Ronaldu tomonidan telefoni sindirilgan autizmli bolaning onasi Sara Kelli portugaliyalik futbolchi va ingliz klubini sudga bermoqchi, deb xabar bermoqda The Sun.

“Men uning qilgan ishi uchun javob berishini istayman. Adolatga erishishning yagona yo‘li kurashni davom ettirishdir”, dedi ayol.

Hodisa APLning 2021/22 yilgi mavsumining 32-turidan o‘rin olgan "Manchester Yunayted" - "Everton" (0:1) uchrashuvidan keyin sodir bo‘lgan. Mag‘lubiyatdan keyin Ronaldu muxlislar yonidan o‘tib ketayotib, ulardan birining telefonini sindirgan. Ma’lum bo‘lishicha, onasi bilan futbolga kelgan 14 yoshli autizm kasalligiga chalingan Jey Xarding.

Ayolning so‘zlariga ko‘ra, Ronaldu noto‘g‘ri xatti-harakati uchun 200 funt sterling miqdorida jarimaga tortilishi kerak.