Londonning «Chelsi» va «Barselona» klublari ayni damda "ko‘k-anorranglilar" hujumchisi Pyer-Emerik Obameyang transferi bo‘yicha kelisha olishmayapti, deya xabar beradi nufuzli insayder Fabrisio Romano.

Manbaning qayd etishicha, "ko‘klar" hali ispan jamoasi bilan 33 yoshli gabonlik bilan shartnoma imzolash bo‘yicha kelishuvga erishmagan. Qo‘shimcha qilinishicha, muzokaralar jarayoni davom etmoqda, biroq muammo faqat futbolchining narxida. Ingliz klubi kataloniyaliklar so‘ragan 30 mln yevroni to‘lashni istamayapti.

Romanoning ta’kidlashicha, har ikki tomon ham muzokaralarning keyingi bosqichida ba’zi tafsilotlarni hal qilishi kerak. Obameyang «Barselona»ga 2022 yilning yanvarida tekinga o‘tgan edi.