Hamyurtimiz Oston O‘runov shartnoma bekor qilingani uchun tovon puli masalasida “Spartak” bilan kelishib oldi.
Bugun Moskva klubi 21 yoshli futbolchi bilan shartnomani tomonlar kelishuviga ko‘ra bekor qildi.
Shartnoma 2025 yilgacha mo‘ljallangan. Yarim himoyachi dastlab tovon sifatida shartnoma bo‘yicha o‘ziga tegishli bo‘lgan to‘liq maoshni talab qilgan, ammo yakunda so‘ralgan summa ikki barobardan ko‘proqqa kamaygan.
O‘runov 2020 yilda “Spartak” safida 9 ta o‘yin o‘tkazib, bitta gol urgan, keyin esa “Ufa” safida ijara asosida o‘ynagan.
Eslatib o‘tamiz, "Spartak" Oston bilan "Ufa" bosh direktori Shamil Gazizov Moskva klubidagi xuddi shunday lavozimga o‘tganidan keyin shartnoma imzolagan edi.
