Ҳамюртимиз Остон Ўрунов шартнома бекор қилингани учун товон пули масаласида “Спартак” билан келишиб олди.
Бугун Москва клуби 21 ёшли футболчи билан шартномани томонлар келишувига кўра бекор қилди.
Шартнома 2025 йилгача мўлжалланган. Ярим ҳимоячи дастлаб товон сифатида шартнома бўйича ўзига тегишли бўлган тўлиқ маошни талаб қилган, аммо якунда сўралган сумма икки баробардан кўпроққа камайган.
Ўрунов 2020 йилда “Спартак” сафида 9 та ўйин ўтказиб, битта гол урган, кейин эса “Уфа” сафида ижара асосида ўйнаган.
Эслатиб ўтамиз, "Спартак" Остон билан "Уфа" бош директори Шамил Газизов Москва клубидаги худди шундай лавозимга ўтганидан кейин шартнома имзолаган эди.
