"Bavariya" "Barselona" yarim himoyachisi Gaviga qiziqish bildirmoqda. Nemis klubi hali ispan klubi bilan yangi shartnoma imzolamagan 18 yoshli yarim himoyachining holatini kuzatib bormoqda, deya xabar beradi insayder Kristian Falk.

Ispaniya terma jamoasi futbolchisining kataloniyaliklar bilan amaldagi shartnomasi 2023 yilning yoziga qadar tuzilgan. Qishdayoq u boshqa jamoa bilan ochiq muzokaralar olib borish huquqiga ega bo‘ladi.

Avvalroq Kataloniya klubi 18 yoshli ispaniyalik futbolchiga 5 yillik yangi shartnoma taklif qilgani haqida xabar berilgandi. Agar u shartnoma imzolasa, Gavining tovon puli 1 milliard yevroni tashkil qiladi.

Joriy mavsumda yarim himoyachi Ispaniya chempionatida 4ta o‘yinda maydonga tushdi.