Madridning “Atletiko” klubi bosh murabbiyi Diyego Simeone hujumchi Joau Feliksni maqtadi. Argentinalik murabbiyning fikricha, hujumchi 2019 yilning yozida Lissabonning "Benfika" jamoasidan "matraslari" safiga ko‘chib o‘tganidan beri yaxshi holatda.
"Feliks "Atletiko"ga kelganidan beri eng yaxshi formada. U ancha yetukroq, kuchliroq va o‘ziga ishonganroq”, - dedi Simeone matbuot anjumanida.
Eslatib o‘tamiz, Feliks Ispaniya La Ligasining yangi mavsumida 4 ta uchrashuvda 3 ta golli uzatmani amalga oshirgan edi. Yozda takliflar bo‘lgan bo‘lsa-da, "Atletiko" futbolchini sotishdan bosh tortdi.
