Мадриднинг “Атлетико” клуби бош мураббийи Диего Симеоне ҳужумчи Жоау Феликсни мақтади. Аргентиналик мураббийнинг фикрича, ҳужумчи 2019 йилнинг ёзида Лиссабоннинг "Бенфика" жамоасидан "матраслари" сафига кўчиб ўтганидан бери яхши ҳолатда.
"Феликс "Атлетико"га келганидан бери энг яхши формада. У анча етукроқ, кучлироқ ва ўзига ишонганроқ”, - деди Симеоне матбуот анжуманида.
Эслатиб ўтамиз, Феликс Испания Ла Лигасининг янги мавсумида 4 та учрашувда 3 та голли узатмани амалга оширган эди. Ёзда таклифлар бўлган бўлса-да, "Атлетико" футболчини сотишдан бош тортди.
