"Bavariya"ning ba’zi futbolchilari bosh murabbiy Yulian Nagelsmanning ishidan norozi, deb xabar beradi Bild.
Manba bergan xabarga ko‘ra, 35 yoshli mutaxassisning taktik qarorlariga bir nechta futbolchilar shubha bildirmoqda. “Shtutgart” bilan 2:2 hisobidagi durangdan so‘ng Nagelsmann aybni o‘z zimmasiga olish o‘rniga, faqat ularni tanqid qilganidan ba’zilar xafa bo‘lishdi.
6 turdan keyin “Bavariya” 12 ochko jamg‘arib, turnir jadvalida to‘rtinchi o‘rinni egallab turibdi. Bu klubning Bundesligadagi so‘nggi 12 yildagi eng yomon starti.
