«Real» jarima zarbalari ustida ishlashda yangi texnologiyani amalga tatbiq etdi - sakrovchi «devor». Bu chindan ham, qiziq.

«Real» jarima zarbalari ustida ishlashda yangi texnologiyani amalga tatbiq etdi - sakrovchi «devor». Bu chindan ham, qiziq. Ha, kelajak g‘oyasi sinovda. Ijtimoiy tarmoqlarda «aylanayotgan» videolavhalarga qarasangiz, hammasi aniq-tiniq ko‘rinadi: alohida qurilma «robot-futbolchilar» bo‘yini muvofiqlashtirish imkonini beradi. Demakki, muayyan raqibga qarshi o‘yinlar oldidan uning futbolchilari bo‘yini hisobga olgan holda, jarima zarbalari ustida ishlash mumkin.

Misol uchun, «Los-Blankos» futbolchilari deylik, «Barselona» bilan o‘yinga tayyorgarlik jarayonida «jonli devor»dan to‘pni qanday o‘tkazish masalasida shug‘ullanayotganda, Jyul Kunde yoki Andreas Kristensen bo‘yini hisobga olishlari mumkin. Sun’iy devor 6ta manekendan iborat. Lekin ularning soni va bo‘yini osongina o‘zgartirish imkoni bor. 

Aytishlaricha, Luka Modrich mashg‘ulotlarda to‘pni 5ta robot devoridan oshirib, «Madrid» golkiperini bemalol dog‘da qoldirdi. Germaniyalik Toni Kroos ham sun’iy raqiblarni yengilgina «chuv» tushira oldi.