“Milan” va Franuiya terma jamoasi hujumchisi Olivye Jiru Italiya klubi bilan shartnomasini uzaytirishi mumkin, deb xabar bermoqda jurnalist Daniele Longo ijtimoiy tarmoqdagi sahifasida.
Manbaga ko‘ra, "Milan" 35 yoshli fransiyalik hujumchi bilan shartnomani uzaytirish bo‘yicha taklif tayyorlagan. Qayd etilishicha, Italiya klubi Jiru bilan 2024 yilning iyunigacha hisoblangan yangi shartnoma tuzishga tayyor.
Eslatib o‘tamiz, Olivye Jiru 2021 yildan beri "Milan"da o‘ynab kelmoqda. Hujumchi joriy mavsum A Seriyada 7 ta o‘yinda maydonga tushib, 4 ta gol urdi va bitta golli uzatmani amalga oshirdi. Jiru avvalroq “Arsenal”, “Chelsi”, “Monpelye” va boshqa klublarda o‘ynagan. 2011 yildan Jiru Fransiya terma jamoasiga chaqirilgan.
