“Милан” ва Франуия терма жамоаси ҳужумчиси Оливье Жиру Италия клуби билан шартномасини узайтириши мумкин, деб хабар бермоқда журналист Даниэле Лонго ижтимоий тармоқдаги саҳифасида.
Манбага кўра, "Милан" 35 ёшли франциялик ҳужумчи билан шартномани узайтириш бўйича таклиф тайёрлаган. Қайд этилишича, Италия клуби Жиру билан 2024 йилнинг июнигача ҳисобланган янги шартнома тузишга тайёр.
Эслатиб ўтамиз, Оливье Жиру 2021 йилдан бери "Милан"да ўйнаб келмоқда. Ҳужумчи жорий мавсум А Серияда 7 та ўйинда майдонга тушиб, 4 та гол урди ва битта голли узатмани амалга оширди. Жиру аввалроқ “Арсенал”, “Челси”, “Монпелье” ва бошқа клубларда ўйнаган. 2011 йилдан Жиру Франция терма жамоасига чақирилган.
