"Aston Villa" bosh murabbiyi Stiven Jerrard "Arsenal" yozgi transfer oynasida o‘z safiga qo‘shib olmoqchi bo‘lgan braziliyalik yarim himoyachi Duglas Luisning kelajagi haqida gapirdi.
“Arsenal”ning Duglasga bo‘lgan qiziqishi meni hayratda qoldirmadi. Bu katta salohiyatga ega yosh braziliyalik. Klub uning imkon qadar biz bilan qolishini istaydi. Biz yozgi transfer oynasining so‘nggi kunida Luisni yo‘qotishni chindan ham xohlamadik. Biz uni saqlab qolishga muvaffaq bo‘ldik va u bu mavsumda bizga ko‘p yordam bermoqda", - deya mutaxassisning so‘zlaridan iqtibos keltiradi klub matbuot xizmati.
Angliya chempionatining joriy mavsumida Duglas oltita o‘yin o‘tkazib, bitta gol urgan.
