"Arsenal"ning sobiq yarim himoyachisi Sesk Fabregas "kanonirlar"ning joriy mavsumdagi o‘yinlari haqida o‘z fikri bilan o‘rtoqlashdi.
Shanba kuni Mikel Arteta jamoasi derbida "Tottenxem"ni 3:1 hisobida mag‘lub etib, Premyer-liga turnir jadvalida birinchi o‘rinni saqlab qoldi.
"Bu qiyin, juda jiddiy sinov bo‘ladi. “Chelsi”dagi so‘nggi mavsumimda ushbu turnirda o‘ynadim va bu juda qiyin bo‘ldi. Payshanba kunlari o‘ynaysan, ba’zida uzoqqa uchib ketishing kerak, faqat ertalab qaytasan, yakshanba kuni esa chempionatda o‘ynashing kerak. Bu qiyin, lekin Arteta buni qanday hal qilishini ko‘rish qiziq. Ishonchim komilki, jamoa to‘g‘ri yo‘lda", - dedi Fabregas.
