Kecha yarim himoyachi Koke o‘tkazilgan o‘yinlar soni bo‘yicha "Atletiko"ning rekordchisiiga aylandi. "Sevilya" bilan o‘yin futbolchi uchun "matraschilar" tarkibidagi 554-o‘yin bo‘ldi.
Jamoa bosh murabbiyi Diyego Simeone Kokening "Atletiko" tarixiga kirishiga munosabat bildirdi. Ijtimoiy tarmoqlarda argentinalik murabbiy Koke bilan bir nechta qo‘shma fotosuratlarni joylashtirdi.
"Barcha majburiyat va ma’suliyat bilan "Atletiko"ga bag‘ishlangan sport hayoting uchun rahmat senga, Koke!" - deb post qoldirdi Simeone.
Eslatib o‘tamiz, "Atletiko" safarda "Sevilya"ni 2:0 hisobida mag‘lub etgandi. Madrid jamoasi ayni damda Ispaniya La Ligasi turnir jadvalida beshinchi o‘rinda bormoqda.
