"Real" hujumchisi Karim Benzema Madrid klubida o‘ynashni davom ettirmoqchi. 34 yoshli fransiyalik futbolchi tez orada "qaymoqranglilar" bilan yangi shartnoma imzolaydi, deb yozadi Marca.
Tomonlar 2024 yilgacha shartnoma imzolashi kutilmoqda. Benzemaning amaldagi shartnomasi 2023 yilning 30 iyuniga qadar tuzilgan.
O‘tgan mavsumda Benzema Ispaniya chempionati va Chempionlar ligasining eng yaxshi to‘purari bo‘lgan, shuningdek, "Real Madrid"ning ikkala sovrinni ham qo‘lga kiritishiga yordam bergan.
Hujumchi yangi mavsumda Ispaniya chempionatida uchta gol urdi va bitta golli uzatmani amalga oshirdi.
