"Реал" ҳужумчиси Карим Бензема Мадрид клубида ўйнашни давом эттирмоқчи. 34 ёшли франциялик футболчи тез орада "қаймоқранглилар" билан янги шартнома имзолайди, деб ёзади Marca.

Томонлар 2024 йилгача шартнома имзолаши кутилмоқда. Бенземанинг амалдаги шартномаси 2023 йилнинг 30 июнига қадар тузилган.

Ўтган мавсумда Бензема Испания чемпионати ва Чемпионлар лигасининг энг яхши тўпурари бўлган, шунингдек, "Реал Мадрид"нинг иккала совринни ҳам қўлга киритишига ёрдам берган.

Ҳужумчи янги мавсумда Испания чемпионатида учта гол урди ва битта голли узатмани амалга оширди.