"Real" vingeri Rodrigo klub bilan shartnomasini 2028 yilgacha uzaytiradi.
Tomonlar o‘rtasidagi kelishuv haqidagi ma’lumotlar yozda paydo bo‘lgandi. Endi, insayder Nikolo Skiraning xabar berishicha, bitim tez orada rasmiylashtiriladi. Yosh braziliyalikning yangilangan shartnomasi olti yilga mo‘ljallangan bo‘lib, tovon puli avvalroq rejalashtirilganidek 1 milliard yevroni tashkil qiladi.
21 yoshli futbolchining amaldagi shartnomasi 2025 yilda yakuniga yetadi. Rodrigo “Real” safida 117 ta o‘yinda maydonga tushib, 22 ta gol va 24 ta golli uzatmaga mualliflik qilgan.
