Yevropa ligasi guruh bosqichining 3-turida "Renn" jamoasiga qarshi o‘yin Kiyevning "Dinamo" klubi ustozi Mircha Luchesku uchun yubileyga aylandi.
Setanta nashrining tarqatgan ma’lumotiga qaraganda, bu ruminiyalik mutaxassisning yevrokuboklardagi 250-uchrashuvidir.
Bu ko‘rsatkich bo‘yicha Mircha ikkinchi o‘rinni egallab, Londonning "Arsenal" klubi sobiq ustozi Arsen Vengerga yetib oldi. Ushbu statistik ko‘rsatkich bo‘yicha yetakchi "Manchester Yunayted"ning sobiq bosh murabbiyi Aleks Fergyuson bo‘lib, uning hisobida 269 ta o‘yin bor.
Kecha bo‘lib o‘tgan o‘yin "Dinamo"ning 1:2 hisobidagi mag‘lubiyati bilan yakunlandi. Uch turdan keyin kiyevliklar birorta ham ochko to‘play olmadi va guruhda so‘nggi o‘rinni egallab turibdi.
