Европа лигаси гуруҳ босқичининг 3-турида "Ренн" жамоасига қарши ўйин Киевнинг "Динамо" клуби устози Мирча Луческу учун юбилейга айланди.
Setanta нашрининг тарқатган маълумотига қараганда, бу руминиялик мутахассиснинг еврокубоклардаги 250-учрашувидир.
Бу кўрсаткич бўйича Мирча иккинчи ўринни эгаллаб, Лондоннинг "Арсенал" клуби собиқ устози Арсен Венгерга етиб олди. Ушбу статистик кўрсаткич бўйича етакчи "Манчестер Юнайтед"нинг собиқ бош мураббийи Алекс Фергюсон бўлиб, унинг ҳисобида 269 та ўйин бор.
Кеча бўлиб ўтган ўйин "Динамо"нинг 1:2 ҳисобидаги мағлубияти билан якунланди. Уч турдан кейин киевликлар бирорта ҳам очко тўплай олмади ва гуруҳда сўнгги ўринни эгаллаб турибди.
