Argentinaning "Boka Xuniors" klubi matbuot xizmati mahalliy chempionat doirasidagi "Esgrima"ga qarshi o‘yindagi fojia yuzasidan bayonot berdi.
“Klub motam tutmoqda. Jamoamiz muxlisi Sezar Regeyroning vafotidan afsusdamiz. U stadion tashqarisidagi hodisada vafot etdi. Oila va yaqinlarga chuqur hamdardlik bildiramiz. Biz bunday xatti-harakatlarni qoralaymiz”, - deyiladi klub bayonotida.
Eslatib o‘tamiz, uchrashuv to‘qqizinchi daqiqada stadionga ko‘zdan yosh oqizuvchi gaz kirib kelgani sababli to‘xtatilgan, polisiya uning yordamida g‘azablangan muxlislarni tinchlantirishga harakat qilgan.
