Аргентинанинг "Бока Хуниорс" клуби матбуот хизмати маҳаллий чемпионат доирасидаги "Эсгрима"га қарши ўйиндаги фожиа юзасидан баёнот берди.
“Клуб мотам тутмоқда. Жамоамиз мухлиси Сезар Регейронинг вафотидан афсусдамиз. У стадион ташқарисидаги ҳодисада вафот этди. Оила ва яқинларга чуқур ҳамдардлик билдирамиз. Биз бундай хатти-ҳаракатларни қоралаймиз”, - дейилади клуб баёнотида.
Эслатиб ўтамиз, учрашув тўққизинчи дақиқада стадионга кўздан ёш оқизувчи газ кириб келгани сабабли тўхтатилган, полиция унинг ёрдамида ғазабланган мухлисларни тинчлантиришга ҳаракат қилган.
